အဆီပြန်လည်း အလှမပျက်ပါ။

ကိုယ်တို့လို မိန်းကလေးတွေအဖို့ အမြဲတစေ မျက်နှာကို မိတ်ကပ်ထူထူဖို့တာတွေ၊နေ့စဉ်နဲ့အမျှထူပိန်းတဲ့ လိမ်းခြယ်မှုတွေကို မလုပ်ဖို့ လိုအပ်ပါတယ်နော်။မျက်နှာအဆီပြန်တာဟာ ကောင်းတဲ့ လက္ခဏာတစ်ရပ်ဖြစ်ပါတယ်။အချိန်မှန်မှန် သတိတရနဲ့ ဖယ်ရှားသုတ်ပေးနေဖို့သာလိုတာပါ။အချို့မိန်းကလေးတွေ မျက်နှာအဆီပြန်မှာ ကြောက်လို့ အလှကုန်ပစ္စည်း အမျိုးမျိုးနဲ့ ဖို့လိမ်း၊ ခြယ်သထားခြင်းဟာ အချိန်ကြာလာတာနှင့်အမျှ အဆီထွက်ပေါက်တွေကို ပိတ်ဆို့ခံလိုက်ရသလိုဖြစ်တာကြောင့် ဝက်ခြံ၊အဖု၊ အပိတ်တွေ ထွက်လာတတ်ပါတယ်။

ဒါကြောင့်မိန်းကလေးတွေ အဲ့လိုအဖု၊အပိတ်တွေပေါက်လာခြင်းဟာ မိမိတို့အလှကုန်ပစ္စည်းနဲ့ ဓာတ်မတည့်တာတခုထဲမဟုတ်ပါဘူး။မိတ်ကပ်တွေ ထူထူထဲထဲအမြဲ လိမ်းမိနေသလားဆိုတာ ပြန်ပြီးဆန်းစစ်ရပါမယ်။
မွှေးညှင်းပေါက် ပိတ်ဆို့ထားခြင်းကြောင့် ဖြစ်ပေါ်လာတဲ့ ပြဿနာဆိုးကျိုးဖြစ်ကြောင်း ပျိုမေတို့ သတိထားသင့်ပါတယ်။ဒါဆို အဆီပြန်တဲ့ပြဿနာကို သဘာဝနည်းကျ ဘယ်လိုဖြေရှင်းကြမလဲ။

အကြံပေးလိုတာကတော့ မကြာခဏ မျက်နှာကို ရေ(သို့မဟုတ်) ရေနွေးငွေ့ဖြင့် ညင်သာစွာ သုတ်သင်ပေးခြင်းဖြင့် အဆီပြန်မှုကိုပျောက်စေပါသည်။ အမြဲတစေ အဆီမပြန်စေရန်အတွက် နေ့စဉ် နံနက်တိုင်း ရေအေးအေးတစ်ခွက် သောက်ပေးတဲ့အကျင့်နှင့် ဝမ်းမချုပ်အောင်နေပေးရပါမယ်။အဆီပြန်ခြင်းမှာ ချွေးပေါက်က ယိုစိမ့်လာတဲ့ အဆီနဲ့
ပြင်ပမှချေးညှော်၊ ဖုန်တွေကို ကိုယ်လိမ်းထားတဲ့ အလှကုန်ပစ္စည်း စသည်တို့နဲ့ ရောထွေးပေါင်းစပ်ပြီးတဲ့အခါ ပိုပြီးတော့ ချွေးပေါက်တွေကိုပိတ်ဆို့ကုန်စေပါတယ်။

ကိုယ့်မျက်နှာမှာဝက်ခြံကဲ့သို့ အဖု၊ အကျိတ်နှင့် အစက်အပြောက်များတွေ့ရပြီဆိုရင် ချွေးပေါက်ပိတ်နေပြီဟု သိလိုက်ပါ။ အစိုဓာတ်ပါတဲ့ သနပ်ခါးရည်ကျဲကျဲ လိမ်းပေးခြင်း၊ သခွားသီးကိုအကွင်းလိုက် လှီးဖြတ်၍ ရရှိတဲ့ အအေးဓာတ်နဲ့ အဆီများကို ဖယ်ရှားစေခြင်း၊ ရှားစောင်းလက်ပတ် ဂျယ်လီစသဖြင့် အအေvးဓာတ်ရယူကာ အဆီများဖယ်ရှားပစ်ခြင်း၊ ကြက်ဥ၊ ဘဲဥအကာရည်ဖြင့် လိမ်းခြယ်ပေးခြင်းဖြင့် အဆီများ ဖယ်ရှားစေပြီး ချွေးပေါက်များကို ပုံမှန်သဘာဝအတိုင်း ရှင်သန်စေပါမယ်။